ياسعود

المقالات 2019/12/10 08:15:10 م

ياسعود

 مظفر النواب 

هذوله احنه

سرجنه الدم

عله اصهيل الشكِر..

يسعود

خليًنه زهر النجوم..

من جدم الحوافر سود

تتجادح عيون الخيل

وعيون الزلم بارود

وياخذنه الرسن للشمس

من زود الفرح ونزود

يسعود احنا عيب انهاب يا بيرغ الشرجيًه

هذي يشامغ الثوار تبرج نار حربيٌة

حزمنه افلاك دم يسعود

يتلاله الفشك بيها

لو نسَنه عرج ثوار

كومو ..نكوم، نفنيها

نشاكيها ابخناجرنه

اتتلاعبلك لعب بيها

واتهل المناجل بيض

كل الدنيا تضويها

Top